Pulai ke menua

Tu mih rumah panjai kami ba tebing Sungai Btg. Rajang.

RH. DOL, Ng. Mujan,

Merit, Btg. Rajang,

Kapit.

Datai dimenua, ai naka pengeletung. Tebing ai nadai kerangan lalu ai pan enda renjan sereta deras mega.

Wong Lapuh....sapa enda takut meda luan seperis nyau baka ke deka ngelantak batu chelum nya
Undur ngili ai...benung nujah wong *sukat* ba tengah-tengah Wong Pelagus.

Ai deras, ditambah ke bebuli besai....naka pengirau ati maya betanjak.

Pulai ke menua maya hari Gawai Dayak tauka pulai ujung taun endang selalu ngasuh ati rawan. Ari Sibu mudik ke Kapit, ngetu enda lama. Nampung pejalai ngulu Batang Rajang betanjak ke Wong Pelagus ngena seperis. Mindah kin kitu tauka ngalu ke pasar Kapit semina nengah jalai ai Batang Rajang tu aja, nadai jalai bukai ti ulih ditengah, kena nyeliah ke Wong Pelagus tu. Jalai alun ngagai pala wong kulu kin pan agi jauh didinga panjung.

Maya Gintu Hari Pengada

Sekeda bala kaban, bakih enggau bala raban ari ruaikitai.com ke bisi datai ba e-mart lemai 25/01/2008. Agi mayuh kebukai dih, tang sida enggai digambar. Pedis mata kena panchar api kamera ku jaku....., amat nya kini??

Berimbai enggau Baya Kejaman nyepu dian....ngintu hari pengada ke berapa nya kini????....Ila madah ke kita au.

Ruti kek maya ke nyambut hari pengada, dipelanja bala raban ruaikitai.com. Ruti kek sepaik nya enggi **Baya Kejaman**. Dua bengkah endur ngintu hari pengada kena 25/01/2008...terubah ba e-mart, udah nya nyepu dian ba *Beer Garden - Rain forest.